Conto Puisi Basa Bali

Makarya Puisi Basa Bali

Puisi ring sor puniki, wantah silih sinungil conto puisi sane sederhana, dumogi wenten pikenoh nyane buat iraga sinareng sami..

Rahajeng ngwacen..

PUISI 1

Mamunyah

Yening sampun sengsaya

Sampunang ngrereh sane maya-maya

Sane lakar nelasang prabea

Ngaenang iraga pedidi ngerereh baya

           

            Inum-inuman keras

            Ngaenang iraga nenten waras

Maparisolah bringas

Mamunyi lagas

            Tetujon hidup ring gumi puniki, ngayah

            Tusing maleha-leha mamunyah

            Ngelaksanayang parilaksana melah

            Tusing ngaenang iraga padidi payah

                       

                        Iraga dados manusa patut uning

                        Makta manah sane hening

                        Pangehin kama

                        Stata subhakti ring Sang Hyang Widhi Wasa

(Olih : Nita Ayu)

PUISI 2

Angkuh

Ulian tingkah nemuang musuh

Ulian tutur cuah cauh

Nenten teguh…

Mangkin kangin, benjang dados kauh

Rusuh stata ngae pisuh

            Inguh suba cara nak buduh

            Nenten nginutin pituduh

            Stata nagih aluh

            Punika kawastanin “angkuh”

(Olih : Nita Ayu)

PUISI 3

BEGAL

Begal…

Geginan anak sane brandal

Sane maparisolah Bengal

Punika sane dados modal

            Begal…

            Geginan anak sane ugal-ugal

            Sane seneng nyakitin anak timpal

            Anggen ngrereh pipis ngulah enggal

                        Nenten manut ring agama

                        Nenten manut ring tata karma

                        Stata ngamolihan musuh, tuara ngelah nyama

                        Sane lakar nemuang karma

                                    Hidupe puniki neneten aluh

                                    Tusing dados mengeluh

                                    Stata nginutin pituduh

                                    Anggen ngelarang hidup sane asah,asih,asuh

(Olih : Nita Ayu)